昱君的部落格

        主角丹．米爾曼，我一開始按呢認為主角是一个自我意識懸，閣驕傲的人，因為伊的行為，佮人較車、耍女人、啉酒……，遮的行為使我對伊的第一印象就無好，猶有就是伊佮蘇格拉底吃飯時，蘇格拉底講：「慢慢仔來，才會用體會著其中的精華。」伊煞講：「我臆你的規矩伊定真濟。」

這本冊是我佇圖書館發現的，對一開始看著這本冊，我就乎伊吸引，伊的冊名是遮爾吸引我。人攏想欲飛，人攏對自由真向望，當然我嘛是仝款。

伊(阿公)對電話彼爿喝著，連鞭閣頕頭，隨閣甲電話囥落來，紲落去煩惱甲搝開kha₃₃  tian₅₁ 看覓，這陣外口ê景色印證了伊ê煩惱。

暗漠漠ê外口當咧落著暴風雪，外面ê路全部攏袂使行矣。

        聽這場演講時，我想著「語言學概論」當中捌提起所有ê語言攏有怹仝款ê一部分，這佮演講當中對雙語讀寫以及雙語教育ê研究出發，以「語言互相依賴」ê理論是相符合 ê，所以毋免煩惱學一種新ê語言著必須愛共原本ê語言攏總擲㧒捔。

預測「崩世代」，其實我心裡已經有大部分上ê想法，猶毋過聽完這場「崩世代」ê演講，我抑是予驚著，原來佇我無心ê時陣，遮的狀況已經超出我ê猜想，究竟咱ê 國家已壞甲什麼款ê程度咧？

        逐家好，我的名叫做陳昱君，我的偏名叫做浴巾(毋免懷疑，就是彼个拭身軀)，我有一个招牌ê笑容(像下面彼張相片)，我出身佇一个幸福美滿的家庭，蹛佇一个足有人情味佮有足濟田園的所在，這个所在就是嘉義，我較佮意庄跤的生活，逐工透早我攏會乎厝鳥仔吵醒，這種乎厝鳥仔吵醒總比彼乎汽車吵醒，好咧一百倍(上起碼這是我佮意的生活)。我這个人個性真好鬥陣，對待人誠誠懇、親切、熱心，我做人跤踏實地，袂歪哥（舞佮我若欲選舉）我个個性有淡薄仔成阿桑，誠愛佮別人開講，思想嘛較保守，猶毋過我佇作工課這方面嘛袂比人較䆀。我國小讀朴子國小，國中讀朴子國中，同學攏叫是我高中嘛會去讀東石高中(東石高中佇朴子跤…勿誤會)，結果…予人意外，我去讀嘉義女中。現此時，我佇台中讀國立台中教育大學。我想欲學習真濟物件，想欲學習語言，雖然我這馬英語抑無蓋好，猶毋過我繼續拍拚。我有足多興趣，佮意看一寡旅遊、美食、愛情，閣有尪仔冊，我嘛佮意練毛筆字，猶有做一寡細項ê物件。我細漢時，捌學過鋼琴(干焦有學到”拜爾”程度爾爾)。我佮音樂其實真有緣，我真佮意音樂，我除了細漢時學過鋼琴以外，我國中是讀音樂班…樂隊班(我是進入了後才學樂器)，我學ê樂器叫做…薩克斯風，佇遮我想欲介紹我交(kiau)我ê樂器熟似ê過程，原底我ê樂器是上低音薩克斯風(Baritone Saxophone)，猶毋過我交(kiau)我ê同學挈著互相ê”吹嘴”，所以阮就交換阮ê樂器，我ê樂器就變成次中音薩克斯風(Tenor Saxophone)。對彼陣開始，我就攏會去參加一寡音樂性的社團，我高中嘛有參加合唱團，這馬是參加國樂社，國樂社真趣味，這乎我ê大學生活變加豐富。我一直有一个夢，我想欲做一个頂天立地男子漢(女子漢)，對我家己ê人生負責。(我ê話題若像跳傷過濟) 哈哈 =)

  信望愛台語客語輸入法網址 : http://taigi.fhl.net/TaigiIME/