昱君的部落格

        聽這場演講時，我想著「語言學概論」當中捌提起所有ê語言攏有怹仝款ê一部分，這佮演講當中對雙語讀寫以及雙語教育ê研究出發，以「語言互相依賴」ê理論是相符合 ê，所以毋免煩惱學一種新ê語言著必須愛共原本ê語言攏總擲㧒捔。

    過去政府ê政策是強制逐家講華語，你講母語就會予處罰，閣加上這馬ê教育政策：讀書ê課本、教學生ê老師…等等ê原因，因為遮的政策ê實施，致使華語變做台灣ê強勢語言。這規年來政府開始鼓吹維護母語，真濟語言佇歷史演變當中消失無去，語言消失的速度是非常ê緊的，欲按怎來維護是咱共同愛面對ê的問題。

    雙語冊ê讀寫，會當乎阮學習其他無仝款民族ê文化、特色、文字…等等，而且幫助咱認同家己ê母語。透過雙語冊ê讀寫，乎學習ê人了解豐富多元ê社會佮文化意義。河洛人佔ê人數真濟，猶毋過真正了解ê人其實真少。會曉講ê人愈來愈少，會曉寫ê人閣較是無幾個，致使阮相對華語來講是處佇較為弱勢ê一方，毋過透過雙語冊，你會當透過華語來了解閩南語ê意思。我以前一直認為學習羅馬字會致使英文變較爛，聽完這場演講，伊拍破了我ê迷思，而且明確ê共我講雙語ê好處，母語佮第二語言是有互相依賴ê關係。

    學習雙語，會當乎咱閣較有競爭力，乎咱閣較了解世界觀。加會曉一種語言，就加一項食飯的家私，不管是佇工作上抑是生活上。我認為對尪仔冊內底看著雙語，是一件非常好ê代誌，按呢細漢囡仔才袂曉叫是世界上就干焦一種語言，嘛會當乎細漢朋友學習第二語言。