昱君的部落格

預測「崩世代」，其實我心裡已經有大部分上ê想法，猶毋過聽完這場「崩世代」ê演講，我抑是予驚著，原來佇我無心ê時陣，遮的狀況已經超出我ê猜想，究竟咱ê 國家已壞甲什麼款ê程度咧？

咱國家ê發展面對真濟危機，就親像是：經濟倒退、生活所需ê費用嘛愈來愈高、「少子化」佮「扶養比」年年增懸 … …等真濟ê問題，真濟ê問題攏是有相關性，是牽一枝頭毛動規身軀ê關係。佇演講當中也捌提起「新自由主義」下ê衝擊，「新自由主義」就是指甲好額人稅降低，以及壓低勞工ê薪資佮福利，猶閣有減少對散赤人ê補貼金，按呢一來散赤人佮好額人ê距離就愈來愈往兩極發展，往「M型社會」發展，上大ê受益者就是財團。近年來失業率不斷來攀升，就連阮遮ê大學一年ê學生嘛攏佇ê祈禱，勿一畢業就等於失業。現今ê社會就算你拿到大學畢業證書，你ê薪水抑是真低。政府一直不斷ê留企業，希望in留佇台灣，想挽回失業率逐年上升ê現象，政府所採取ê步數就是你留牢、我減稅，結果抑是無增加到做工課機會，顛倒更加予遐ê公司ê獲利閣較濟。

經濟無好，連帶影響了人民趁ê錢，大家驚惶晟養不起囡仔，生ê自然就會減少，「少子化」愈來愈嚴重，嚴重影響著國小ê師資佮囡仔相關ê產業。人口老化，「扶養比」大增，政府必須要處理老人安養ê問題，政府需要資金來推動遮ê政策，政府落入了負債ê循環，所以想欲發展經濟… … 就按呢一直循環落去，台灣ê崩壞…是會當預期ê。佇演講當中，我了解著稅制ê重要。並毋是稅愈低對咱ê生活就愈好，咱想看哩北歐，為什麼大家攏欣羨北歐政府「對出生到死亡」攏幫你發落好。這背後工程就是稅率懸，因為稅率懸，政府大有為，人民共繳稅剩落來ê錢用佇ê享樂，按呢就推動經濟ê發展。咱愛避免崩世代ê來到，所以咱著愛拍破迷思，稅率ê提升是必然ê。納稅是每人ê義務。