昱君的部落格

        主角丹．米爾曼，我一開始按呢認為主角是一个自我意識懸，閣驕傲的人，因為伊的行為，佮人較車、耍女人、啉酒……，遮的行為使我對伊的第一印象就無好，猶有就是伊佮蘇格拉底吃飯時，蘇格拉底講：「慢慢仔來，才會用體會著其中的精華。」伊煞講：「我臆你的規矩伊定真濟。」

        後來伊漸漸會聽蘇格拉底的話，猶毋過伊嘛捌放棄，一直到伊發生車禍，彼場車禍乎伊失去伊的夢想，伊的雙腿嘛無法度閣承受矣，伊失去了自信，猶閣有伊的榮耀。佇伊欲放棄伊的夢想時，蘇格拉底煞講：「你應該愛繼續堅持你的夢。」佇這段內底，蘇格拉底嘛有講過：「從來就毋捌存在著開始抑是停止，干焦有過程爾。」這是我上佮意的一句話，這句話嘛有另外一種意思，就是旅行中的過程才是帶來快樂的物件，顛倒終點毋是遐爾仔重要。

         這个影片帶乎我真濟啟發，伊乎我感覺雄雄明朗，心內感覺真誠心爽。有一寡話是好話，遐的話會乎人有洗淨心靈的感覺。我佮意影片中的蘇格拉底，人的一生當中無一定會用拄著蘇格拉底，只要乎你拄著一擺，伊就會乎你的生活有一百八十度的轉變，其實遮毋是魔法，只是看你欲做抑是毋做爾爾。我猶閣會記得蘇格拉底捌講過：智慧佮智識是無仝款，智慧是你愛家己去實踐。我佇最後嘛是真佩服主角，因為嘛毋是每一个人拄著蘇格拉底，就攏會使了解蘇格拉底所欲表達的代誌。

        主角佇最後理解出三个道理，第一「矛盾」：生活是一个謎，莫浪費時間去共敨開，第二「幽默」：保持幽默，特別是自我幽默，遐是上重要的力量。第三「變化」：愛了解無啥物物件是袂變。我感覺遮的道理攏是咱佇生活中愛理解的道理。