伊(阿公)對電話彼爿喝著,連鞭閣頕頭,隨閣甲電話囥落來,紲落去煩惱甲搝開kha33 tian51 看覓,這陣外口ê景色印證了伊ê煩惱。
暗漠漠ê外口當咧落著暴風雪,外面ê路全部攏袂使行矣。
面對這款ê處境,伊是一點仔辦法攏無。
“袂用按呢啦!咱愛等救護車。伊會來的!”
“咱袂使閣等落去矣,若無就傷慢啊。”
阿母真受氣。
“你抑閣會記得我ê翁婿是按怎死的無?伊得著肺炎,彼陣是寒人,是你偝伊去病院的。傷過慢啊,頂擺你開四十五分鐘。這擺咱愛等救護車。”
“我干焦開三十分鐘爾爾”阿公堅持:
“事實上干焦有二十八分鐘,就到門口啊。我今暗嘛是閣做會到。”
當阿公偝起樹ê時陣,阿母擋佇門跤口。阿公看伊ê目睭,吐一口氣,
“阿樹是你ê查某囝,今暗由你決定。你選擇按怎做?”
伊(阿母)若像佇烏暗中沐沐泅,四年前仝款ê暗暝,伊失去了伊ê翁婿,四年後上帝閣準備用仝款ê方式來奪走伊ê查某囝。
伊無相信上帝會遮爾殘忍。伊決定欲冒險。
雪是愈落愈大,阿公偝著樹,行過厚厚一層雪。
伊(阿公)已經七十五歲啊,伊已經無像少年彼陣遐爾勇壯。
佇半路中,伊跋一倒,面直直挵著塗跤ê雪。
“你愛歇睏一下”阿母講。
“無!咱繼續!”
怹開四十分鐘趕到病院。
阿樹佮阿公仝時陣蹛入去搶救室,阿母軟佇ê位頂懸,一直祈禱。
日頭一透早就升起來,博子佮茂徛佇門口前看著大熊山,厝佮山中間只有茫茫ê白雪佮山ê面模仔。
“你敢知影?阿樹就佇我們前面”
“哪無愛交伊講幾句話?”
“你講啥?”博子問。
茂行向頭前幾步用手甲喙圍起來,喝聲響遍寒天ê透早:“藤井樹,你會冷無?你敢閣會唱松田聖子ê歌?我欲交博子結婚矣!這件代誌你莫祝福阮好?”
好好好。。無停睏的迴聲,好好好。。
伊(茂)越頭看博子。
留言列表